Фотосуреті бар түйіндеме суреті жоқ түйіндемеге қарағанда жұмыс берушілердің назарын көбірек аударуы мүмкін. Адамның миы барлық визуалды объектілердің ішінен адамдардың бет-әлпетін ерекше қабылдайды.

Фотосуреттің тағы бір функциясы – кәсіби имиджіңізді елестеттіру, сенім тудыру, жұмыс берушіні өзіңізге қарай икемдеу. Сондықтан дұрыс фотосуретті таңдау өте маңызды.

Түйіндемеге қандай фотосуреттер қою керек:

• түйіндеме - бұл іскери құжат, сондықтан әлеуметтік желілердегі селфи сияқты бейресми фотосуреттерге орын жоқ. Фотосуретте сіз көрнекті көрінуіңіз қажет. Сондай-ақ он жыл бұрынғы сәтті фотосуретті пайдаланбаңыз;
• фотосурет сапалы болып, сіздің бетіңізді көрсетуі керек. Фотосурет үшін жақсы жарықтандырылған орынды және бейтарап фонды таңдаңыз;
• дұрыс киімді таңдаңыз. Ресми іскерлік немесе жартылай ресми (business casual) стильде киіну жеткілікті, ал егер қалаған жұмыс қатаң дресс-кодты талап етпесе, онда бейтарап киімді таңдаңыз;
• фотосуреттегі мимика сабырлы және мейірімді болуы керек;
• жұмыс беруші байсалды, жауапты, адекватты қызметкерді көргісі келеді. Қосымша аксессуарлар немесе ерекше шаш үлгісі орынсыз. Әйел адамдарға бет бояудың ашық тондарын сақтаған дұрыс.

Фотосуретті дұрыс таңдағаннан кейін, жұмыс тәжірибесі туралы ақпаратты толтыруға өтіңіз.

Жұмыс тәжірибесін қалай дұрыс көрсету керектігі туралы осы жерден оқыңыз.