Тәжірибе – бұл сіздің түйіндемеңізде жұмыс берушіні қызықтыратын бірінші мәлімет.

Кеңестерге сүйене отырып, бұрынғы жұмысыңыздағы міндеттеріңіз бен жетістіктеріңізді сипаттаңыз:

1. Жұмыс берушілердің назарын аудару үшін жұмыс тәжірибесі мен дағдыларды сипаттау кезінде бос жұмыс орындарында үміткерлерге қойылатын талаптарда жиі қолданылатын сөздерді пайдаланыңыз.

Түйіндемеге тек осы мамандық бойынша өзіңізді бағалау үшін пайдалы ақпаратты қосыңыз.

2. Бұрынғы жұмыс орныңыз сіздің тәжірибеңіз туралы көп нәрсе айта алады. Егер компания белгісіз болса, онда түйіндемеде оның атауын ғана көрсету жеткіліксіз. Компания туралы қосымша ақпаратты көрсетіңіз.

3. Егер сіздің жұмыс тәжірибеңіз жан-жақты болса, онда сіздің тәжірибеңіздің әр бағыты бойынша жеке түйіндеме жасаңыз.

Олардың әрқайсысында өз екпіндері болсын. Егер сіз бос жұмыс орнына өтінім бергіңіз келсе, түйіндемені арнайы бейімдеңіз. Мысалы, егер сіз бухгалтердің орнына өтінім жібергіңіз келсе, 10 жыл бұрын болған репетиторлық тәжірибе туралы айтудың қажеті жоқ.

4. Егер сізде үлкен тәжірибе болса, бүкіл мансап жолыңызды бірнеше бетке толтырмаңыз. Оны сыни тұрғыдан қарастырыңыз.

Мүмкін, бір мәліметті қысқаша атап өту керек болса, кейбір тәжірибенің маңыздылығы болмауы мүмкін және бұл туралы хабарлап айтудың қажеті жоқ. Жұмыс берушілер сіздің соңғы жылдардағы жұмыс тәжірибеңізге қызығушылық танытады.

5. Түйіндемеден сіздің мансаптық жолыңыз анық болуы керек. Егер жұмыс кезеңдері арасында түсіндірілмеген бос уақыт аралықтары болса (декреттік демалыс, науқас туысына күтім жасау, денсаулықты қалпына келтіру, өзін-өзі дамыту және т.б.), сіздің кандидатураңыз күмән тудыруы мүмкін.

Түйіндемеде сіздің жұмыс істемеген уақыт аралығы туралы түсініктеме болуы керек. Бұл мәліметті «Мен туралы» немесе «Қосымша ақпарат» бөлімінде көрсетіңіз.

6. Шаблондық сөз тіркестерінен аулақ болыңыз және жұмыс тәжірибесін нақтылаңыз.

Алдыңғы жұмыс орындарындағы міндеттерді жалпы түрде, ерекшеліксіз тізіп жазбаңыз. Мысалы, құжаттармен жұмыс істеу, есеп беру және т.б.

Интернет желісінде кез-келген түйіндемеден оңай табуға болатын шаблондық сөз тіркестерінен аулақ болыңыз. Мысалы, нәтижеге бағдарлану, клиентке бағдарлану, коммуникабельділік және т.б.

7. Жұмыс тәжірибесі мен жетістіктерін асыра көрсетпеңіз. Кез келген жалған ақпарат ерте ме, кеш пе айқын болады.

8. Өзіңіздің дағдыларыңызды растау үшін түйіндемеге алдыңғы жұмысыңызға қатысты сілтемелерді қоса аласыз.

Егер жұмыс тәжірибесі болмаса, түйіндемеде не жазу керектігін осы жерден оқыңыз.