Жұмыс берушімен бейне сұхбаттасу жақсы өтуі үшін:

1. Интернет байланысын алдын ала тексеріңіз, байланыс тұрақты болуы керек.

Егер интернет өшіп қалса немесе жылдамдық жеткіліксіз болып, байланыс тұрақсыз болса, роутерді қайта қосып көріңіз.

2. Құрылғыны дайындаңыз: компьютер, ноутбук, планшет немесе смартфон.

Компьютерден қосылу үшін микрофон мен веб-камераны қосу керек.

Ноутбукпен қосылған кезде бұл қажет емес - онда барлық мүмкіндіктер орнатылған.

Егер сіз планшетті немесе смартфонды қолдансаңыз, оны ыңғайлы етіп орналастырыңыз, сонымен қатар дыбысты жақсарту үшін құлаққапты қосыңыз.

Қажет болса, құрылғыға бейне сұхбатқа қосылатын бағдарламаларды жүктеп алыңыз және орнатыңыз. Сұхбатқа дейін олардың жұмысын түсініп алыңыз.

3. Таза, алаңдататын декор элементтері жоқ бөлмені дайындаңыз. Үйдегілерді жұмыс берушімен сөйлесетін бөлмеде кедергі келтірмеуін және орын алмауын сұраңыз.

Арқаңызбен терезеге немесе жарық көзіне қарай бұрылмаңыз. Әйтпесе, жарық суретті бұзады, ал жұмыс берушіге сіздің қараңғы силуэтіңіз көрінеді.

4. Камера алдында алдын-ала жаттығу жасаңыз - өзіңізді бейнеге жазып, сыртыңыздан қараңыз.

5. Бетпе-бет сұхбаттасуға киінгендей киініңіз. Әңгімелесу кезінде жинақы және кәсіби көрінуге кеңес береміз.

6. Бейне сұхбаттасу кезінде құрылғыдағы дыбыстық хабарландыруларды өшіріңіз.

Жұмыс берушімен көз байланысын сақтаңыз. Бұл сіздің процеске қатысып отырғаныңызды, осы жұмысқа орналасуға мүдделі екеніңізді көрсетеді.

Сұхбаттасудан қалай сәтті өтуге болатындығы туралы осы жерден оқыңыз.

Барлығына сұхбаттасудан сәтті өтуді тілейміз!