1. Онлайн-жәрмеңкеге қатысу үшін жәрмеңкені ұйымдастырушыға (модераторға) алдын ала өтініш жіберу қажет.

• 1-әдіс. Бос жұмыс орындар жәрмеңкесіне қатысудың қажетті күнін көрсете отырып, алдын ала өтінішті жолдау.
  Ол үшін Tanda.enbek.kz порталындағы жеке кабинетте «Менің өтініштерім» қойындысына өтіңіз.
  «Менің өтініштерім» қойындысында Tanda.enbek.kz порталының басты парақшасынан немесе «Жұмыс берушілер үшін бос жұмыс орындарының онлайнжәрмеңкелеріне қатысу туралы ақпарат» (https://tanda.enbek.kz/ru/employer/faq) парақшасынан «Өтініш беру» батырмасын басып өтуіңізге болады
  
  Ашылған терезеде жоғарғы оң жақ бұрышында «Өтініш беру» батырмасын басу арқылы алдын ала өтініш нысаны ашылады.
• 2-әдіс. Жоспарланған бос жұмыс орындар жәрмеңкесіне алдын-ала өтініш жіберу.
  Ол үшін Tanda.enbek.kz порталының басты парақшасында жоспарланған жәрмеңке туралы хабарландырудан немесе «Барлық жәрмеңкелер туралы хабарландырулар» парақшасынан «Қатысу» батырмасын басып, жәрмеңке парақшасына өтіңіз.
  
  Содан кейін жәрмеңке парақшасында «осы жерден өтініш беріңіз» сілтемесін басу арқылы алдын ала өтініш нысаны ашылады.
  
  Назар аударыңыз! Жоспарланған жәрмеңкеге алдын ала өтініштер, жәрмеңке басталғанға дейін 3 (үш) жұмыс күнінен кешіктірілмей қабылданады.

Ол үшін Tanda.enbek.kz порталындағы жеке кабинетте «Менің өтінімдерім» қосымша парағына өтіңіз.

Ашылған терезенің жоғарғы оң жақ бұрышында «Өтінім жасау» батырмасын басыңыз.

«Менің өтінімдерім» қосымша парағына сондай-ақ Tanda.enbek.kz порталындағы тиісті онлайн-жәрмеңке бетіндегі «Осы жерден өтініш беріңіз» сілтемесін басу арқылы өтуіңізге болады.

2. Алдын ала берілетін өтінім өрістерін толтырыңыз:

• Тізімнен кәсіпорынды таңдаңыз.
• «Жәрмеңкеге қатысатын қала/аудан» жолағы:
  • егер сіз өтінішті 1-әдіспен жіберетін болсаңыз, онда жәрмеңкеге қатысқыңыз келетін аймақты таңдаңыз. Сіздің өтінішіңіз таңдаған аймақтың мансап орталығына түседі және бұл мансап орталығы жәрмеңкені ұйымдастырушысы (модератор) болады;
  • егер сіз өтінішті 2-әдіспен жіберсеңіз, онда бұл өріс автоматты түрде толтырылады.
• «Бос жұмыс орындарының жәрмеңкесіне қатысудың қалаған күні» жолағы:
  • егер сіз өтінішті 1-әдіспен жіберетін болсаңыз, онда жәрмеңкеге қатыса алатын кезеңді таңдаңыз;
  • егер сіз өтінішті 2-әдіспен жіберсеңіз, онда бұл өріс автоматты түрде толтырылады.
• «Кәсіпорын туралы мәліметтер» жолағы:
  Егер сіз Enbek.kz порталындағы жеке кабинетте жұмыс берушінің есептік ақпаратындағы «Кәсіпорын туралы мәліметтер» жолағын толтырған болсаңыз, онда кәсіпорын туралы мәліметтер автоматты түрде толтырылады. Қажет болған жағдайда сіз осы жолаққа өзгертулер енгізе аласыз.
  Сіздің кәсіпорныңыз немен айналысатынын, қандай қызметтер көрсететінін немесе қандай тауарларды ұсынатынын сипаттаңыз, сіздің кәсіпорныңыздың миссиясы мен көзқарасын көрсетіңіз. Мақсатты аудиторияны және олар қандай мазмұнды құнды деп санайтынын есте сақтаңыз. Ақпараттың анық, дәл және кәсіби екеніне көз жеткізіңіз, әлеуетті жұмыс іздеушілердің стендте сіздің кәсіпорныңызбен танысуы осыдан басталады.
• «Бос жұмыс орындар саны» жолағы:
  Бос жұмыс орындар жәрмеңкесіне орналастырғыңыз келетін жұмыс орындарының жалпы санын көрсетіңіз.
• Сізге қандай мамандар (қандай мамандықтар бойынша) қажет екенін үтір арқылы жазыңыз. Мысалы, кеңсе менеджері, кассир, есепші.
• «Байланысатын тұлға» жолағы:
  «ТАӘ», «Байланыс телефоны» және «Электрондық пошта» жолақтары Enbek.kz порталында, жеке кабинеттегі жұмыс берушінің есептік ақпаратынан автоматты түрде толтырылады. Сонымен қатар сіз өзгертулер енгізе аласыз
• Қатысудың міндетті шарттары бос жұмыс орынға жалақы мөлшерін көрсетуге келісім беру және жәрмеңкені өткізу кезінде онлайн-чатта жұмыс іздеушілердің сұрақтарына жауап беру болып табылады. Тиісті жолдарға құсбелгі қойыңыз
• Егер сіз бос жұмыс орындар жәрмеңкесінде жұмыс іздеушілермен бейне сұхбат (онлайн сұхбат) өткізгіңіз келсе, онда «Мен лайықты жұмыс іздеушілермен бейне сұхбат жүргізгім келеді» жолағына құсбелгі қойыңыз

3. Толтырғаннан кейін «Модерацияға жіберу» батырмасын басыңыз. Осыдан кейін сіздің алдын ала өтінішіңіз:

• жәрмеңкені ұйымдастырушының (модератордың) қарауына жіберіледі;
• жеке кабинетте «модератордың қарауында» мәртебесімен «Менің өтініштерім» қойындысында көрсетіледі.
  
  Егер алдын ала өтініш 2-әдіспен жіберілген болса, жәрмеңкенің атауы көрсетілетін болады
  

4. Алдын ала өтініштің мәртебесін қадағалаңыз.

Мақұлдау немесе қабылданбау туралы шешімді сіз Tanda.enbek.kz порталындағы жеке кабинетке және электрондық поштаға аласыз.

1. Сіздің алдын ала өтінішіңіз жәрмеңкені ұйымдастырушымен (модератормен) мақұлданғаннан кейін:

• «Менің өтініштерім» қойындысында өтінішке «модератормен мақұлданды» мәртебесі беріледі;
• өтініште жәрмеңкенің өткізілетін күні көрсетіледі.

2. Жәрмеңкеге қатысу үшін төмендегі ақпаратты толтырыңыз:

• «Әрекет» ашылмалы мәзірінен «Кәсіпорын және бос жұмыс орындар туралы ақпарат» нұсқасын таңдаңыз.
  
• «Жәрмеңкеге қатысу үшін ақпарат» парағы ашылады.
• «Жәрмеңкеде презентациялау үшін кәсіпорын стендін бекітіңіз» блогында стендті таңдап, «Бекіту» батырмасын басыңыз.
  Егер сізде бұрын жасалған стенд болмаса, «Жаңа стенд жасау» батырмасын басыңыз («Тиімді кәсіпорын стендін қалай құруға және жұмыс іздеушілерді тартуға болады» бөлімін қараңыз). Жаңа стендті сақтағаннан кейін «Бекіту» батырмасын басыңыз.
• Жәрмеңкеде болатын бос жұмыс орындарын қосыңыз. Ол үшін «Бос жұмыс орнын қосу» батырмасын басыңыз және барлық жолақтарды толтырыңыз.
  Сондай-ақ, сіз Enbek.kz порталында орналастырылған белсенді бос жұмыс орындарын импорттай аласыз.
• Жәрмеңкеде сіз жұмыс іздеушілермен бейне сұхбат жүргізе аласыз. Барлық бейне сұхбаттар бос жұмыс орындарының онлайн-жәрмеңкесі өткізілген күннен кейінгі күні өткізіледі.
  «Жұмыс іздеушілермен бейне сұхбатты жоспарлау» блогында «Жоспарлау» батырмасын басыңыз. Ашылған терезеде «Менеджерді қосу» батырмасын басыңыз:
  • «Жауапты менеджерді таңдаңыз» жолағында бейне сұхбат жүргізетін персонал бойынша менеджерін көрсетіңіз.
    Егер Enbek.kz порталындағы жеке кабинетте «Кабинет менеджерлері» қосылған болса (жұмыс берушіде бірнеше персонал бойынша менеджерлері болған жағдайда), сіз менеджерді тізімнен таңдай аласыз. Қалаған жағдайда, сіз бірнеше (немесе барлық) кабинет менеджерлеріне бейне сұхбаттарды жоспарлай аласыз.
    Егер Enbek.kz порталындағы жеке кабинетте кабинет менеджерлері болмаса, онда ашылмалы тізімнен «Администратор» мәнін таңдаңыз;
  • әр менеджер үшін бейне сұхбаттың басталу уақыты мен санын көрсетіңіз. Әр менеджер үшін бейне сұхбаттың басталу уақыты мен санын көрсетуге болады.
    Бір бейне сұхбаттың ұзақтығы 20 минутқа дейінгі уақытты құрайды. Жоспарланған сұхбаттар сіз көрсеткен уақыттан бастап үзіліссіз бірінен кейін бірі жүргізіледі. Бейне сұхбаттардың уақыты мен санын жоспарлау кезінде осыны ескеріңіз;
  • «Сақтау» батырмасын басыңыз.

4. «Модерацияға жіберу» батырмасын басыңыз. Осыдан кейін жәрмеңкеге қатысу үшін ақпарат:

• жәрмеңкені ұйымдастырушының (модератордың) қарауына жіберіледі;
• «жұмыс берушімен жіберілген» мәртебесімен «Менің өтініштерім» қойындысында көрсетіледі.


5. Жәрмеңкеге қатысу үшін берілетін ақпарат жәрмеңкені ұйымдастырушымен (модератормен) жәрмеңке басталғанға дейін 3 (үш) жұмыс күнінен кешіктірмей қабылданады.

6. Жәрмеңкеге қатысу үшін ақпараттың күйін қадағалаңыз.

Мақұлдау немесе қабылданбау туралы шешімді сіз Tanda.enbek.kz порталындағы жеке кабинетке және электрондық поштаға аласыз.

7. Жәрмеңкеге қатысу үшін ақпарат мақұлдағаннан кейін жәрмеңкені ұйымдастырушымен (модераторымен):

• Tanda.enbek.kz порталында сіздің кәсіпорныңыздың стенді мен бос жұмыс орындары орналастырылады;
• жәрмеңкеге қатысу үшін ақпарат «Менің өтініштерім» қойындысында «модератормен мақұлданды» мәртебесі беріледі
• «Менің жәрмеңкелерім» қойындысында «Жақында» мәртебесімен сіз қатысатын бос жұмыс орындар жәрмеңкесінің карточкасы пайда болады.

Үміткерлер үшін сіздің кәсіпорныңызды басқалардың арасында ерекшелендіретін көрнекі және ақпараттық стенд жасаңыз.

1. Жеке кабинетте стенд жасаудың екі тәсілі бар.

• 1-әдіс. Сіз өзіңізге ыңғайлы кез келген уақытта кәсіпорын стендін алдын ала жасай аласыз.
  Ол үшін «Менің стендтерім» қойындысына өтіп, «Стенд қосу» батырмасын басу арқылы тізімнен кәсіпорынды таңдаңыз. Сіз стендті жәрмеңкелерге қатысу үшін ақпаратты жіберу кезінде одан әрі пайдалана аласыз.
• 2-әдіс. «Менің өтініштерім» қойындысына өтіп, «модератормен мақұлданды» мәртебесімен «Жәрмеңкеге қатысу үшін ақпарат»-ты таңдаңыз.
  «Әрекет» ашылмалы мәзірінен «Кәсіпорын және бос жұмыс орындары туралы ақпарат» нұсқасын таңдаңыз. Ашылған терезеде «Жәрмеңкеде презентациялау үшін кәсіпорын стендін бекітіңіз» блогында «Жаңа стенд құру» батырмасын басыңыз.

2. «Стенд қосу» парағы ашылады.

3. «Кәсіпорынның толық атауы», «Мекен-жайы», «Сайт мекен-жайы» және «Кәсіпорын туралы мәліметтер» өрістері Enbek.kz порталындағы жеке кабинеттегі жұмыс берушінің есепке алу ақпаратының мәліметтерінен алынып, автоматты түрде толтырылады. Барлық өрістердің дұрыс толтырылғанын тексеріңіз. Сіз бұл ақпаратқа «Кәсіпорынды өзгерту» батырмасын басу арқылы өзгертулер енгізе аласыз.

4. Кәсіпорын стендіне атау беріңіз. Сіз өзіңізге ыңғайлы кез келген атауды ойлап таба аласыз. Бұл атау сізден басқа ешкімге көрсетілмейді. Бұл әртүрлі кәсіпорындар немесе бос жұмыс орындарының жәрмеңкелері үшін бірнеше стендтеріңіз болса, оларды ажырата алуыңыз үшін қажет.

5. Келесі өрістер мен ақпаратты толтырыңыз:

• «Қызмет түрі» өрісі
  Өз кәсіпорныныздың қызмет түрін қысқа, дәл және ақпаратты түрде сипаттаңыз. Бұл мәтін жұмыс берушілер тізімінде сіздің кәсіпорныныздың атымен онлайн-жәрмеңке бетінде көрсетіледі.
• «Сіздің кәсіпорында жұмыс істеудің артықшылықтары»
  жолағы Жұмыс іздеуші, неге сіздің кәсіпорыныңыздың бос жұмыс орындарына түйіндемені жіберуі керектігін сипаттаңыз. Бұл сыйлықақылар, бонустар, мансаптық және кәсіби өсу, ниеттестік бағдарламалары, әртүрлі жеңілдіктер, медициналық сақтандыру, фитнес-клуб, корпоративтік жеткізу, корпоративтік ұялы байланыс немесе т.б. болуы мүмкін.
• «Компаниияның ұраны» өрісі
  Егер бар болса, өз кәсіпорныныздың ресми ұранын немесе үміткерлерді тарту үшін әрекетке шақыруды көрсетіңіз.
• Егер сіздің кәсіпорныңыз Facebook, Instagram, ВКонтакте әлеуметтік желілерінде парақшалар жүргізсе, оларға сілтемелерді көрсетіңіз.
• Егер бар болса, jpg, jpeg, png форматында кәсіпорын логотипін қосыңыз.
  Логотип - бұл компания сәйкестігінің маңызды бөлігі, ол адамдарға компанияны тануға мүмкіндік береді. Логотип үміткерлерге басқалардың арасында брендті танып, ары қарай жұмыс берушінің стендіне кіріп, ашық жұмыс орнына орналасуға өтініш беруге немесе кәсіпорын туралы көбірек ақпарат жинауға көмектеседі.
• Егер бар болса, үміткерлерге сіздің кәсіпорныңыз немен айналысатыны және оларға не ұсына алатындығы туралы жақсы түсінік алуға көмектесетін баннер немесе плакат, брошюра қосыңыз. Көрермендерді қызықтыратын иллюстрациялар кәсіпорын стендіне көбірек үміткерлерді тартады.
  Jpg, jpeg, png форматындағы сапалы кескіндерді қолданыңыз. Нашар дайындалған суреттер аудиторияға жағымсыз әсер қалдырады, өйткені ол компанияны сапаға назар аудармайтын кәсіпорын ретінде қабылдайды.
• Егер бар болса, YouTube.com бейне хостингіне жүктелген сіздің кәсіпорныңыз туралы бейнероликке сілтеме көрсетіңіз.

6. «Сақтау» батырмасын басыңыз, сонда сіздің стендіңіз жәрмеңкеге қатысу үшін ақпаратқа қосылуға дайын («Жәрмеңкеге қатысу үшін ақпаратты жеке кабинетте қалай толтыруға болады» бөлімін қараңыз).

1. Жәрмеңкеге қатысу үшін ақпарат модератормен мақұлданғаннан кейін, сіз кәсіпорын стендіне және/немесе бос жұмыс орындарының тізіміне өзгерістер енгізе аласыз. Өзгерістерді жәрмеңке басталғанға дейін 1 (бір) күнтізбелік күннен кешіктірмей енгізуге болады.

2. Tanda.enbek.kz порталындағы жеке кабинетте стендті толықтыру үшін:

• 1-әдіс. «Менің жәрмеңкелерім» қойындысына өтіп, жәрмеңке карточкасында «Кәсіпорын стенді» батырмасын басыңыз.

  

  Ашылған терезеде «Жәрмеңкеде презентациялау үшін кәсіпорын стендін бекітіңіз» блогында «Стенд бекітілген» мәртебесі бар стендті таңдап, «Өзгерту» батырмасын басыңыз. Қажетті өзгертулерді енгізіп, «Сақтау» батырмасын басыңыз.

  

• 2-әдіс. «Менің стендтерім» қойындысына өтіңіз. Жәрмеңкеге қатысу үшін ақпаратқа бекітілген стендті таңдап, «Әрекет» ашылмалы мәзірінен «Өзгерту» мәнін таңдаңыз. Қажетті өзгертулерді енгізіп, «Сақтау» батырмасын басыңыз.

  

3. Tanda.enbek.kz порталындағы жеке кабинетте жаңа бос жұмыс орнын қосу үшін:

• 1-әдіс. «Менің жәрмеңкелерім» қойындысына өтіп, жәрмеңке карточкасында «Бос жұмыс орындарының тізімі» батырмасын басыңыз.

  

  Ашылған терезеде жоғарғы оң жақ бұрышында «Бос жұмыс орнын қосу» батырмасын басыңыз. Барлық өрістерді толтырып, «Сақтау» батырмасын басыңыз.

• 2-әдіс. «Менің жәрмеңкелерім» қойындысына өтіп, жәрмеңке карточкасында «Кәсіпорын стенді» нұсқасын басыңыз.

  

  Ашылған терезедегі «Бос жұмыс орындарын қосу» блогында «Бос жұмыс орнын құру» батырмасын басып барлық өрістерді толтырыңыз.

  Сондай-ақ, сіз Enbek.kz порталында орналастырылған белсенді бос жұмыс орындарын импорттай аласыз.

4. Tanda.enbek.kz порталындағы жеке кабинетте бұрын жәрмеңкеде орналастырылған бос жұмыс орнын алып тастау үшін:

• 1-әдіс. «Менің жәрмеңкелерім» қойындысына өтіп, жәрмеңке карточкасында «Бос жұмыс орындарының тізімі» батырмасын басыңыз.

  

  Ашылған терезеде жойғыңыз келетін бос жұмыс орнын таңдап, «Әрекет» ашылмалы мәзірінен «Жою» мәнін таңдаңыз.

  

• 2-әдіс. «Менің жәрмеңкелерім» қойындысына өтіп, жәрмеңке карточкасында «Кәсіпорын стенді» нұсқасын басыңыз.

  

  Ашылған терезеде «Бос жұмыс орындарын қосу» блогында жойғыңыз келетін бос жұмыс орнын таңдап, «Әрекет» ашылмалы мәзірінен «Жою» мәнін таңдаңыз.

5. Бұрын жәрмеңкеде орналастырылған бос жұмыс орынға (мысалы, жалақыға немесе жұмыс орындарының санына) өзгерістер енгізу үшін Tanda.enbek.kz порталындағы жеке кабинетте:

• 1-әдіс. «Менің жәрмеңкелерім» қойындысына өтіп, жәрмеңке карточкасында «Бос жұмыс орындарының тізімі» батырмасын басыңыз.

  

  Ашылған терезеде өзгертулер енгізгіңіз келетін бос жұмыс орнын таңдап, «Әрекет» ашылмалы мәзірінен «Өзгерту» мәнін таңдаңыз. Өзгертулер енгізіңіз және «Сақтау» батырмасын басыңыз.

  

• 2-әдіс. «Менің жәрмеңкелерім» қойындысына өтіп, жәрмеңке карточкасында «Кәсіпорын стенді» нұсқасын басыңыз.

  

  Ашылған терезеде «Бос жұмыс орындарын қосу» блогында өзгертулер енгізгіңіз келетін бос жұмыс орнын таңдап, «Әрекет» ашылмалы мәзірінен «Өзгерту» мәнін таңдаңыз. Өзгертулер енгізіңіз және «Сақтау» батырмасын басыңыз.

1. Бос жұмыс орындар жәрмеңкесі, жәрмеңке карточкасында көрсетілген күні Tanda.enbek.kz порталында өткізіледі. Жәрмеңкені ұйымдастырушы (модератор) бос жұмыс орындар жәрмеңкесіне жұмыс іздеушілерді тарту бойынша жарнама жұмыстарын жүргізеді.

2. Жұмыс іздеушілер үшін бос жұмыс орындарының толық сипаттамасын көру және түйіндемені жіберу мүмкіндігі жәрмеңке басталғанға дейін 1 (бір) күнтізбелік күн бұрын беріледі.

3. Жұмыс іздеушілер сіздің бос жұмыс орындарыңызға өтінішке тіркейтін түйіндемелері Tanda.enbek.kz порталындағы жеке кабинетіңізге  «Менің жәрмеңкелерім» қойындысына  жәрмеңкенің карточкасындағы «Өтінімдер тізімі» бөліміне түсе бастайды.

Сондай-ақ, жауаптар парақшасында «Бос жұмыс орындарының тізімі» бөлімінен де өтуге болады. Қажетті бос жұмыс орнының төменгі жағында «Өтінімдер: n» батырмасын басыңыз

4. Сіз түйіндемені қарастыра аласыз, олармен жұмыс жасай аласыз және жәрмеңке аяқталғаннан кейін де жұмыс іздеушілерді сұхбаттасуға шақыра аласыз.

Назар аударыңыз! Жіберілген түйіндемелер бойынша жұмыс іздеушілерге әрдайым кері байланыс беру қажет.

Жәрмеңке кезінде бос жұмыс орнына түйіндемесін тіркеген жұмыс іздеуші жеке кабинетте сізге онлайн-чатта хабарламалар жазып, бос жұмыс орнына қатысты сұрақ қоя алады.

Жәрмеңке – бұл ең алдымен жұмыс іздеуші мен жұмыс берушінің қарым-қатынасы. Жұмыс берушілердің онлайн-жәрмеңкеге қатысуының міндетті шарты жәрмеңке өткізілетін күні кандидаттардың сұрақтарына жауап беру болып табылады!

Жұмыс іздеушілермен онлайн-чаттар тізіміне өту үшін Tanda.enbek.kz порталындағы жеке кабинетте «Менің чаттарым» қойындысын ашыңыз.

2. Хабарламаны жіберген жұмыс іздеушілердің тегі мен атының үстіндегі онлайнчаттар тізімінде оқылмаған (жаңа кіріс) хабарламалардың саны көрсетіледі.

3. Жұмыс іздеушіге жауап беру үшін оны онлайн-чаттар тізімінен таңдап, «Диалогты бастау» батырмасын басыңыз.

Назар аударыңыз! Жұмыс берушіде бірнеше персонал жөніндегі менеджерлері болған жағдайда және олар Enbek.kz порталындағы жеке кабинетте «Кабинет менеджерлері» ретінде қосылған болса, кандидатпен бейне сұхбатты тек қана оған шақыру жіберген менеджер бастай алады.

Жәрмеңкеде жұмыс іздеушілермен бейне сұхбат жүргізу үшін, жәрмеңкеге қатысу үшін ақпаратты жіберу кезінде, бейне сұхбатты жоспарлау қажет («Жәрмеңкеге қатысу үшін ақпаратты жеке кабинетте қалай толтыруға болады» бөлімін қараңыз).

Бір бейне сұхбаттың ұзақтығы 20 минутқа дейінгі уақытты құрайды. Бір кабинет менеджеріне бейне сұхбаттың максималды саны – 10 сұхбат.

Барлық бейне сұхбаттар сізбен көрсетілген уақыт аралығында (жәрмеңкеге қатысу үшін ақпарат жіберілген кезде) бос жұмыс орындар онлайн-жәрмеңкесі өткізілген күннен кейінгі күні өткізіледі.

Бейне сұхбатқа қосылу үшін сіздің құрылғыңызға бағдарламаларды жүктеп, орнатудың қажеті жоқ. Бейне сұхбат браузерде өткізіледі.

1. Егер жұмыс іздеуші түйіндемені жіберу кезінде сіздің компанияңыздың өкілімен бейне сұхбат алғысы келетінін атап өтсе, онда «Менің жәрмеңкелерім» қойындысында  жәрмеңке карточкасында  «Жауаптар тізімі» бөлімінде жұмыс іздеушінің жауабына қарама-қарсы «Бейне сұхбатқа шақыру» батырмасы қол жетімді болады.

Жұмыс іздеушіні бейне сұхбатқа шақыру үшін осы батырманы басу керек.

2. Сіз бейне сұхбатқа шақыру жіберген жұмыс іздеуші көрсетілген уақыт аралығынан уақытты таңдау арқылы (жәрмеңкеге қатысу үшін ақпаратты жіберген кезде) өзінің қатысуын растауы қажет

Назар аударыңыз!Сіз шексіз жұмыс іздеушілерге бейне сұхбатқа шақыру жібере аласыз. Алайда сізде қанша бейне сұхбат жоспарланған, сол жұмыс іздеушілердің саны ғана бейне сұхбатқа тапсырыс бере алады (жәрмеңкеге қатысу үшін ақпарат жіберген кезде).

3. Үміткер уақытты таңдағаннан кейін, «Менің бейне сұхбаттарым» қойындысында кандидаттың өтінішінде «Бейне сұхбатқа өту» батырмасы пайда болады және сұхбат күні мен уақыты көрсетіледі.

4. Егер кандидат бейне сұхбаттан бас тартса, онда «Менің бейне сұхбаттарым» қойындысында кандидаттың өтінішінде бұл туралы жазба пайда болады.

5. «Бейне сұхбатқа өту» батырмасы бейне сұхбат басталғанға дейін 10 (он) минут бұрын іске қосылады. Көрсетілген уақытта үміткермен бейне сұхбатты бастау үшін батырманы басыңыз.

Назар аударыңыз! Егер жұмыс берушіде бірнеше персоналмен жұмыс бойынша менеджері болса және олар Enbek.kz порталында «Кабинет менеджерлері» ретінде жеке кабинетте қосылған болса, кандидатпен бейне сұхбатты оған шақыру жіберген менеджер ғана бастай алады.

6. Бейне сұхбат басталған кезде, қажет болған жағдайда, бейне мен аудиоға рұқсат беру үшін параметрлерді өзгерту керек.

7. Бейне сұхбат кезінде экранның жоғарғы жағында қалған уақыт таблода көрсетіледі. Сізде сұхбатты алдын-ала аяқтау мүмкіндігі бар, яғни 20 минут өткенге дейін.